Pětr Młónk
hłós: Hdyž Bóh tu chěžu njetwari
(skrótšene)
Nětk mamy, lubowani, zas
tón nalětni tak rjany čas,
hdźež cyłe Bože stworjenje
so zaso wonowiło je.
Te ptački rjenje spěwaju
a chwal Božu dobrotu,
kiž w’ wulkej zymje zańdźenej
je wšitke hnadnje zdźeržał sej.
Po dołhej zymje žałostnej,
kaž wjele lět tu była njej’,
bě, móhłrjec, cyłe nalěće
tež zwjetša zymne – młowojte.
Duž nětk će Božo chwalimy,
zo ty tak dobroćiwy sy,
zo nam tu ćělnu potrjebu
nětk zaso lubiš z lubosću.
žórło: Pětr Młónk: Kěrluše a spěwy, Budyšin 1879, Nr. 194
Stejimy při sewjernym zachodźe přirodneho pomnika “Žičeńska skala a hrodźišćo”.
9. februara 1823 woženi so Pětr Młónk jako 17-lětny z Johannu Christianu Bundemannec, dźowku Žičeńskeho zahrodnika. Zažne zmandźelenje wuswobodźi jeho z wójnskeje winowatosće.
1825 pak so tutón zakoń zběhny. Nětko dyrbješe Pětr Młónk tola do wojakow a přisłušeše kralowskej wosobinskej infantriji w Drježdźanach. Jeho wojerska słužba traješe hač do 1833. Běchu to lěta měra, tak zo njebě słužba jara ćežka. W prěnim rjedźe běše stražnik. Dokelž měješe doma zahrodu, wuswobodźichu jeho w lětnich měsacach z wójska, zo by domjacu rolu dźěłał. W tutym času bydleše doma pola swójby w Dźiwoćicach.
W słužbnym času w Drježdźanach wotkry sej basnjenje, zo by zrudobu wo zdalenosći k swójbje a serbskej domiznje znjesł. Basnjenje nadźěła sej awtodidaktisce. Z tym je hač do dźensnišeho dobry přikład za čłowjeka, kotryž je swójske kmanosće spóznał a na dobro sobučłowjekow wužiwał.
Lubi pućowarjo! K wašej wěstoće prosymy wo to, zo dźiwaće při pućowanju přez skalu a hrodźišćo na za lěs typiske strachi, kaž na př. padace hałuzy při wichorje.
Wegbeschreibung
Weiter geht es ca. 800 Metern zur Station 5 in Kleinseitschen mit dem Thema Die Eisenbahn kommt in Pětr Młónks Heimat. Wir laufen dabei durch ein sehr schönes Felstal neben dem Langen Wasser entlang. Ein Aufstieg links zur Schanze mit dem Burgwall ist empfehlenswert. Am südlichen Ausgang der Skala biegen wir links ab und folgen der Wegführung durch den Ort Kleinseitschen bis zur Infotafel der Station 5. In Kleinseitschen am Langen Wasser steht als markantes Gebäude die ehemalige Gülde-Mühle. Auch in Kleinseitschen gab es früher ein Rittergut, von dem aber nicht mehr viel übrig ist. An der Tafel der Station 5 sehen Sie auf die Eisenbahnstrecke Dresden – Bautzen mit dem Seitschener Eisenbahnviadukt.