Gesang des Projektchors
Für die Erstellung des Gedenkweges fand sich ein Projektchor zusammen der folgendes Lied übe und zur Eröffnung live vorsang.
Pětr Młónk
Serbskim wajchtarjam
(skrótšene)
Wam, naši lubi wajchtarjo!
So gmejna dowěriła jo.
Tón hamt, kiž swoju wažnosć ma,
To je hamt teho wajchtarstwa.
Duž nětk tež swěru wachujće,
zo na was skóržba njebudźe;
kak dušnje so to posłucha,
hdyž gmejna chwali wajchtarja.
Hdyž w nocy wokoł’ chodźiće,
da wjesele sej spěwajće;
tón Bóh, kiž ženje njedrěma,
tež kedźbu ma na wajchtarja.
Kak husto złóstnik njedušny,
b’dźe w swojej złósći moleny,
hdyž słyši spěwać wajchtarja
te rjane štučki kěrluša.
Duž rjane štučki, wajchtarjo,
sej spěwajće, kaž jandźeljo.
Tón wajchtar, kiž pak njespěwa,
njej’ hódny prizy tobaka.
žórło: Pětr Młónk: Kěrluše a spěwy, Budyšin 1879, Nr. 354
Stejimy na městnje wokoło 1990 zwottorhaneje něhdyšeje chudownje bywšeje Małoboršćanskeje gmejny.
Pětr Młónk bě najzasłužbniši zastupjer gmejny Mała Boršć z Dźiwoćicami a Praskowom. Ze załoženjom gmejny w lěće 1839 wuzwolichu jeho za gmejnskeho starostu a 1856 za gmejnskeho předstejićerja, potajkim wjesnjanostu, štož bě wón hač do 1881. Z tym skutkowaše nimale 42 lět na čole gmejny. Nimo toho běše čłon wjacorych towarstwow, a při tym zwjetša předsyda a zdobom pismawjedźer.
Gmejna bě mj. dr. tež za wjesnu chudźinu zamołwita. Do nadawkow słušeše jich zastaranje ze zežiwidłami, drastu a přebytkom. Dotal jako přebytk za chudych wužiwana chěža so w decembrje 1865 ze stron zarjada zawrě a nowotwar chudownje so za přichodne nalěćo postaji.
1. meje twarska dowolnosć za tute městno potom předležeše. Po wupisanju sćěhowachu jednanja wo płaćiznje a připrajenje pod wuměnjenjom, zo by so twar domu ze štyrjomi bydlenjemi 15. junija zahajił a hač do 31. awgusta wotzamknył. Dla wójnskich šmjatkow móžachu chudźi hakle 15. septembra 1866 zaćahnyć. Po wotličenju wšěch wudawkow we wysokosći 687 tolerjow wobzamkny wuběrk za chudźinu, zo bychu nadbytk třoch tolerjow gmejnskemu předstejićerjej za jeho prócu a twarski dohlad přewostajili.
Chudownja je so hižo do 1990 zwottorhnyła.
Pětr Młónk wosta towarstwu za chudźinu tež po swojim zastojnstwje jako wjesnjanosta swěrny. Pod poslednim zapiskom do protokoloweje knihi towarstwa 20. oktobra 1884 so tež jeho podpismo namaka.
Wegbeschreibung
Der weitere Weg zur Station 9 Sterbestelle von Pětr Młónk ist zirka 900 m. Von hier aus gehen wir die Straße weiter bis zum Abzweig nach Göda und biegen dort nach links ein und sind jetzt auf dem Sächsischen Pilgerweg, der von Bautzen kommend über Göda weiter nach Bischofswerda führt.
Nach etwa 500m stehen wir an der Sterbestelle von Pětr Młónk. Der Platz wurde im Rahmen der Anlegung des Gedenkweges neugestaltet. Von hier haben wir einen schönen Blick auf die Oberlausitzer Gefildelandschaft.